يا مسار ورد الحبايب .... فيني انسانه شقيه
ودها توصل لآخر ما سكن بالعين موقي
صابني رمحك حبيبي وساحت عروقي عليه
لعنبوا حب قتيله من بعد موته يفوقي
طاولتني هالمسافة بين (روحات وجيه)
مادري ارحل بك حبيبي داخل انفاسي وعروقي
ولاّ اسجنك بوريدي (بالليالي العاطفيه)
واسهر بليلك واضمك بين (نبضاتي وخفوقي)
عادتي مانسى خيالك كيف لو ترحل عشيه
شوفني وان مر زولك .. رحت انا كلي شفوقي
انت لو تعذر حبيبي كلمة فيها الخطيه
الخطا وارد واظنك.. تعرف الحكي الصدوقي
والله اني فيني عشق قد تعدى (العامريه)
شاعرة واكتب قصيدي بالسحايب والبروقي
بس انا ودي تناظر؟... ما بقى فيني بقيه
قد تعديت الصحاري والليالي والشروقي
كلمة فيها (أحبك) ... تملي الدنيا عليه
قولها تكفي دخيلك... قولها بلطف وذوقي
