نشرنا في عدد الاسبوع الماضي لغزاً كتبه الشاعر صالح بن عبدالرحمن الناصر من محافظة الزلفي.. وكان نصه:
حاولت أشارك من عشق حل الالغاز بمشاركة وأسند علومي لاهلها وش بكرة مطواع بيدين معتاز بخطامها تمشي وتنجز عملها |
وقد جاءتنا عشرات الحلول واكتملت شروط النشر في الحلول التالية:
اللغز يا ابيض الوجه بايجاز الأبرة أم أخطام ما أحد جهلها اللي صغيرة حجم لكن لها انجاز تنجز ولا تمرض وتشكي مللها |
مسلط بن عبدالله المرشديالجمش
أهلا هلا ياهل الجزايل والانجاز ترحيبة راع الوفاء ما جهلها لغزك يابو ناصر مرتب وممتاز صورة من الابرة تضاحك نجلها |
محمد عبدالكريم الغزيالزلفي
معرفة البكرة ولا هيب تعتاز لاحد يوضحها ويذكر عللها هذي هي الابرة وياكثر الألغاز اللي تجي فيها.. تكرر جملها |
صالح عبدالله التميميالرس
لغز الجزيرة لغز واضح وممتاز (ابرة وسلك) ولابة أحد جهلها حليتها وارسلتها لقسم الالغاز تنشر ليا من الحميدي قبلها |
سالم مقبل الحربيالقيصومة
يا مشارك العشاق في حل الالغاز حنا اهلها يوم تسند لهلها بكرتك إبره يعشقه كل طراز يبرز بها فنه على من جهلها |
دغيم الفهيد الخمشي
يا راعي الزلفي ترا لغزكم فاز با عجاب عشاق الجزيرة واهلها وافطن ترا الابره لها السلك ينحاز يمشي قفاها ويتخطى لاجلها |
عايد بن نوار العنزي الرياض
أعوذ بالرحمن من شر هماز هو العليم بنفس عبده واجلها من بعد ذكره نبتدي حل الالغاز أبره وفيها السلك محدٍ جهلها |
خالد بن سالم الهوتةالرياض
عبر الجزيرة شفت تلميح وايجاز عن بكرة يمشي وراها فحلها مابه غموض ولا تكلف ولا عجاز شف أبرة الفرا براسه حملها |
حمود بن طراد الحنتوشيالرياض
لصفحة (مدارات) التحية والاعزاز وكتا بها من خانة الالف للها وللي بعث لغزه ومن عد الانجاز السلك والابره على من جهلها |
جلعود بن لافي الشمري حائل
كم واحد حاول ومن بعدها فاز وحمول تترك لين يبرك جملها والبكرع اللي جالها قيد وحجاز السلك والابره ولا احد جهلها |
سعود جازي الحربي الرياض
يا مرحبا باللي تباها بالانجاز الصفحة اللي ما ندور بدلها واللغز يا صالح بمفهومنا فاز والحل «الابرة» والسنافي حملها |
عطا الله بن سليمان العطا اللهالزلفي
أهل التراث اعطوك تقدير ممتاز وربك يجازي كل نفس بعملها الابرة اللي جاء لها فن وانجاز أظن ما للغز حلا بدلها |
عبدالهادي فهاد العرجانيالافلاج
ما للعزيمة غير تحقيق الانجاز وما للجزيلة غير موفي مثلها وكل أبلجٍ للحق لابد ينحاز لو سارت الابرة وعنّت فحلها |
فهد الجروانالزلفي
رحنا ندور وصف صالح بالارماز مع البكار الضايعة في سهلها وجبنا له ابره والرسن سلك ممتاز يتبع طريقه بالجديد وسملها |
حمود نافع الشمريالخبر
الشاعر اللي ارسل اللغز ممتاز واللي من الزلفي ترى هم أهلها والحل ابره ما تبي سرعة انجاز يومن تخيط الثوب تمشي مهلها |
سعد بن مويزر البدرانيالرس
يا الي كتبت اللغز اللغز ممتاز وما يعرف الألغاز يا كون أهلها ذي إبرةٍ يخيط بها ثوب معتاز ذي إبرةٍ بالسلك تنجز عملها |
معجب مطلق الشكرهالافلاج
ذا صالح الناصر حكم نظم الالغاز حكم بيوت اللغز واكمل جملها اللغز حله ابرةٍ وخيط ممتاز ما ينقطع وهي تكمل عملها |
خالد سعود الفييثاتالافلاج
يا مرحبا بك عد ما رفرف الباز واعداد ما صاد الفريسة واكلها الحل واضح مثل نارٍ بها قاز ابرة تخيط الثوب محد جهلها |
محمد بن عبدالكريم الشايعبريدة
انا مديم مشارك بحل الالغاز برسل حلول اللغز للي سألها والبكره اللي بيدين اهلها لها انجاز هذي هي الابرة وهذا عملها |
هندي نابت الغياثات الافلاج
لغز لابن ناصر قريناه ممتاز ومنا التحايا للنشاما تصلها ابره وراها الخيط ياراع الالغاز معروفة واليوم ما حد جهلها |
محمد بن عبدالعزيز الخنيفر أشقير
سلام مني بصافي الود يمتاز عبر الجريدة للجزيرة واهلها وبرفقته ظني وحلي اذا جاز في لغز الابرة واعذروا من جهلها |
عبدالله القويعي النبهانية
