ليتني أقدر على رد الجميل
لامي اللي مستحيل الحق جزاه
مستحيل الحق جزاها مستحيل
الله يسعدلي صباحه مع مساه
والله ان المدح في مثله قليل
ليتني اقدر احقق له مناه
قالوا انه «مدرسة» في كل جيل
قلت ربي عزَّها يوم ان عطاه
«الحنونة» ما لها شبه ومثيل
الحظيظ اللي قدر يكسب رضاه
«الرحومه» هي لنا الظل الظليل
وهي بعد رب السما مركب نجاه
«العطوفه» ما ابي غيره بديل
كل ما املك بها الدنيا فداه
علمتني اعشق الصبر الطويل
وعلمتني احفظ اسرار الحياه
هي دواي اليا غدا قلبي عليل
ووين ما راحت خذت قلبي معاه
لابْعدت عني غدا جسمي نحيل
ولو تغيب شوي يذبحني غلاه
ولا زعلت مني وقامت بالرحيل
رحت انا كلي ندم اركض وراه
وليتني اقدر على رد الجميل
لامي اللي مستحيل الحق جزاه
