ياهني من هو حج والحج مبرور
ويعود من حجه وتغفر ذنوبه
وسلام مني لك وباقول ماجور
يا حاج ترجع بالسلامة وتوبه
دار السعودية ترحب على الفور
ناسٍ من اجلك نومهم ماهتنوبه
رجال تعمل تاخذ النصح والشور
بتوجيه ابو فيصل ورايه مشوبه
مليكنا اللي لراحة الحاج مسرور
خادم بيوت الله زعيم العروبة
أمنٍ وأمان لك وزادٍ ودكتور
وجميع ما تحتاج يا حاج جوبه
يشهد لهم شهادة مابها زور
لخدمة ضيوف الله سنين محسوبه
وبامر الولي مقبول حجك ومبرور
وتفوز بالرحمة وتخشى العقوبة
لبيت للرحمن بالحج وتزور
مسجد رسول الله وتكسب مثوبه
اديت ثم وفيت نور على نور
حجك صحيح وسالم من عيوبه
واقبل تحياتي وباقول ماجور
ويا حاج ترجع بالسلامة وتوبه
