انا هاجرت عن أهل الكلام بمدحه وذمه
أنا هاجرت لديارٍ رسول الله ظهر فيها
انا لله قصدت وكان كلٍ قاصدٍ همه
مريضٍ علتي ما حس فيها غير شاكيها
وشكيت لربي العلة.. ورضيت بربي وحكمه
رضيت بحكم جاء من فوق سبعٍ ربي بانيها
وطفت البيت والذكرى خذتني فوق للقمة
تذكرت الرسول اللي سكن مكة بواديها
تذكرت معه هاجر تحط الطفل وتضمه
عطش في واديٍ خالي وسعت تركض خطاويها
رسول الله يبكي وأمه أكثر منه مهتمه
جلس يبكي وهي بين الصفا ومروة مساعيها
وأمر ربي الرحيم أمره وجاها الماء وهي تزمه
تبي بعد السبع تروي عطش طفلٍ يراعيها
ويوم ذكرتها هانت علي الدار واللمه
وهان الصاحب وهانت ربوعي مع مبانيها
وتذكرت الرسول اللي بعثه الله للأمة
محمد سيد الأمة بقاصيها ودانيها
وتذكرت الجبل والغار.. ورحت أرقاه بالهمة
بخطاوي تسبق الماشي رسول الله داعيها
وصلت الغار وقليبي خشع والرب له حكمه
فرشت الغار سجادة وكعبة ربي ناصيها
أنا هاجرت ثم رجعت سبايب دمعتك يمه
ترى لولاك يا يمه.. كنوز الكون ما بيها
