العيد عاد الله علينا يعيده
بالخير ثاني عيد يا دار لك عاد
عسى يعود اسنين وانتي سعيده
يا مملكتنا فخرنا دار الامجاد
يا دوحة للدين وحدك فريده
يا قبلة الاسلام عزوة هل الضاد
خير تعيشينه لك الله يزيده
الخير من رب عبدناه يزداد
الشرع قايم والمواقف حميده
والشعب سور الدار بوجيه الاضداد
وكل ايهني لالفى العيد سيده
واسيادنا آل سْعود من عصر الاجداد
أهني اللي عز الاسلام بيده
فهد العرب عن خدمة الدين ما حاد
امره نطيعه لاومر ما يعيده
شعب الوفا خلفه جماعات وافراد
يفداه من كِذبه تزايد صديده
واهْل الردى والظلْم والشر واحقاد
وعبدالله المحبوب عزه عضيده
وليْ عهْده للوطن دِرع واسناد
وسلطان لجل الخير مالِه يبيده
عن الضعيف وشاكيَ الحال نشاد
لِهْم الولا والحب زايد رصيده
مانقِّصه مبغِض وجاهل وحساد
فضل الوطن واجب علينا اتعديِده
حقّ على الكاتب وراوي او قصّاد
وحق الوطن ماهو علينا قصيده
كتبتها من قلب والقاف مِنقاد
ويا لابس للعيد غالي جديده
جدد طريقك وانصح النفس بجهاد
اللي فهم يتبع طريقٍ يفيِده
واللي ظلم نفسه تبع درب ما فاد
نصيحة للكلْ في يوم عيده
يالله عساه اسنين للِكلْ ينعاد
