أهلاً هلا واعداد ما هب نسناس
واعداد ما هبت هبوب الشمالي
واعداد ما يفرح من الناس بالناس
واعداد ما ينشي سحاب الخيالي
الفكر ضاع ودك في الفكر هوجاس
باسباب من مركي على القلب صالي
اللي سقاني الحب مرٍ وسط كاس
واسقيته العد القراح الزلالي
أنا اشهد أنه طيّب شعور واحساس
هو منيتي هو غايتي راس مالي
مهما يضيق من الدهر.. تو.. الأنفاس
زادت غلاه وصار بالحيل غالي
مخلص معه ما والله اعلن للافلاس
الا ان يصيب العقل بعض اختلالي
خله معي مادام أنا رافع الراس
يسمع كلامي ويرفع الراس عالي
كريم نفس ومجلسي خير مجلاس
وعلمي صحيح وقهوتي من دلالي
أنا عزيز معرب الجد والساس
كل العلوم الطيبه راس مالي
