لا واسطة.. ولا رسالة تودَّى
ودي يشوف اللي كتبته ويقراه
منهو غلط منّا ومنهو تحدَّى
حلم على وجه الليالي رسمناه
ليه المشاعر في ضميرك تصدى
اللي تحمل مر الايام تنساه
ظني بك اكبر.. ما هقيتك تردى
هدمت لك قصرٍ من أول بنيناه
على كثير الناس عندي تبدى
ولا انت لك قلب جزالٍ خطاياه
اشوف باقي ذكرياتك واصدى
ما ودي اذكر وقتنا اللي قضيناه
خالي مكانك مابه احد يسدى
عيا الغلا يمحي بقلبي بقاياه
وان رحت قل لسنين عمري تعدى
ولا الزمان يعيد نفسه وذكراه
