للمجلس آداب معروفه.. وسنت له
إن ماحترمها المسولف ماحترم حاله
كم واحدٍ بالمجالس ودك يختله
عودٍ يجي معه مطرق ويتواساله
ودك هذور المجالس محد.. ينصت له
والخيرزانه جزاه وتردع امثاله
بعض الياجيل يبغى الهرج.. له بتله
والناس دايم سكوت وتسمع أقواله
ليا لقا فرصةٍ بالهرج تاحتله
نيه يسكر فمه ما هي على باله
من سالفه بايخه يدخل بمنشتله
يبغى مجال السوالف دوبه لحاله
ويعده اعجاب يوم الناس تسكت له
ما يدري انه حيا خلي على فاله
اغترفي ضكة الزاري وجازت له
واليا هرج قيل ليته يسكت اشواله
كلاك يفتل وينقص ما درى.. فتله
وليا انتهى قام بالمنقود مشتاله
