انا عيوني على سورك
يا بنت النور..
يا عطر الليل.. وهمس الليل
انا فيني الأماني سيل
أبي تعذرين إحساسي اذا قصر
وأبي تعذرين لو قصرت في حقك
او قصر كلامي.. وما وصفك شعور
يا بنت النور.. يا عقد من الوله منثور
يا دانه بعين بحارك..
ترى الاحساس ربانك
وانا ربان هالمركب
طوت بي رحلتي عندك..
وحطيت الأمل عندك..
بس الموج ما يساعد..
ولا الأقدار بتساعد..
وإذا الخطوة قربت مني
ولا هدت.. أحس انها قريبة ويمك تباعد
يا بنت النور.. يا عطر من الوله منثور
انا لك يا بريق الماس.. انا الألماس
وانتي لمعة الماسة.. وحساسة
وقلبك موطن الازهار..
وانا اللي يعشق الازهار
وغيري يقطف احساسه..
ولكن ما يهم اللي.. تولع في غرام الورد
الا ما نسيته ورده.. سقاها بلهفة انفاسه
انا ياوردة العشاق ..
ونار الحب والاشواق ..
أنا أول من عرف قلبك.. وأول من سمع نبضك
وأول شخص لك يشتاق.. يا بنت النور
يا عقد من الوله.. منثور!!
| 