صارت مدامعنا رهينه للأيام
كل يوم تفجعنا الليالي بغالي
أشوف طير الموت من فوقنا حام
واختار من خيرة فحول الرجالي
ما قدر الله نافذ بكل الأحكام
لله مرد الناس بأول وتالي
شفته بعيني بس كنه بالاحلام
ماني مصدق كن ماهو قبالي
واستغفر الله من كبيرات الآثام
ماني مشكك بس مما جرالي
فيصل حبيب قلوبنا فوقها وسام
قبله «محمد» ما بنا عنه سالي
نقول وش علم الليالي والأيام
كل يوم تفجعنا بفقدان لغالي
