«مغترة» الحسن الموشى شهاليل
ريانة بالخير ربي عمرها
يا شيخ ياللي تعطي الخيل والحيل
وش لون ما تغتر وأنت بنظرها
وابن الحبيب اللي على الشعب تظليل
خالد «أبو خيرين» سيد زهرها
عساه بجنان الولي للتماهيل
شيخ غمر داره بطيب مطرها
من صلب أبوه «معزي» الناس والخيل
واخوانه سهوم الرجال وقدرها
أحدٍ ينال العز حظ وتساهيل
ولأجلك بنات العز فلت شعرها
واحد جمع عزه بقوة وتهاويل
وأنتم بطيب وخير وصافي ثمرها
كاس جمع عز وقروم ومشاكيل
وكاس جمع نخبة وربي أمرها
يا سيدي ما صغت شعري تعاليل
شعري حديقة بوح وفعلك نهرها
«مغترة» الحسن المصفى من الهيل
وش لون ما تغتر وانت بنظرها
