جوال: علوم الخيل يا ولد؟
مجول: علوم السعد:
جوال:يقولون معسكر في الجنادرية يا مجول؟
مجول: الله يطول أعمار من خلونا في سياحة داخلية على مدار العام ما بين حائل والجبيل والقصيم واليوم يجمعنا عميد الميادين.
جوال: والله الخيل استعزت وتعلت في مناطق المملكة؟
مجول: يعطي العطا من كان ضاري بالعطا.
جوال: ما قصروا شباب ميدان الجنادرية خصوصاً وان استضافتهم للبطولة جاءت في وقت قصير؟
مجول: الحي يحييك وبتشوف شيء ما شفته؟
جوال: يتوقعون كأس النخبة جنادرية؟
مجول: بنت شقران كفو.
جوال: ومن غير قصور في اللي معها بس المفاجآت في سباقات الخيل ما نستبعدها!
جوال: استراتيجية صفحة الميدان وملاحقها في الموسم القادم سمعنا أنها بتركز على البطولات الكبرى.
مجول: يعتمد على بعض الاسطبلات اللي يمكن ما تمشي على القوائم.
جوال: وين الوجهة عقب السباق يا مجول؟
مجول: يمكن أخوك يدخل التجارة من أوسع أبوابها؟
مجول: اطربني يا راعي البزنس الله من قلها.
جوال: ترميم وانشاء اسطبلات ما بين الجنادرية والحوية؟
مجول: لا ربحت!!
جوال: وآخر العلوم؟
مجول: مرحبا يا مرحبا باللي تعني
بالشيوخ والضيوف عصر اليوم وكل هاوي
مع تحيات جوال ومجول | 
