ضاع الكلام وضاع ميعاد الأحباب
وساد الغلا وأهل الغلا شبه فوضه
عيشي زمانك وامسحي دمع الأهداب
يا من خذيتي هلة الدمع موضه
ضاعت مساعي وصلنا والرجا خاب
بوحي بسرك واكشفي عن غموضه
معذورة ما يلحقك لوم وعتاب
لومي على وقتٍ قليله حظوظه
وقت حداني بين ياسي والأتعاب
ولو طاح حظي كيف يقوى نهوضه
هذا هوى الدنيا وحنا بها أجناب
دنيا ولا تسوى جناح البعوضه
ماني لها مقبل ولاني بطلاب
وما طعت برق الصيف لو ناض نوضه
رزقي على المعبود حلال الأنشاب
اللي توجب طاعته في فروضه
