جتني وراحت كنها الحلم بالليل
حلم عبر واليوم قلبي نساها
هي تحسب ان الحب ضحك وتماثيل
هي تحسب ان الصد زود غلاها
ما تدري ان الحب هم وغرابيل
لا من سطى بالروح زود عناها
خلى صحاح الناس مثل المهابيل
مجنون ليلى مات سبة هواها
كانك نويت الهجر دربك تساهيل
ما بيك ياللي عشرتي مابغاها
بغيابها بفرح وابشعل قناديل
ما نيب انا اللي عايش في رجاها
القى وتلقى واحد في الرجاجيل
تضحك عليه ودوم يمشي وراها
واثبت لها اني في الليالي المقابيل
كرامتي ما فيه حي وطاها
