** ينوي صاحبي رجل الأعمال المعروف إنشاء شركة للتزويج السريع على غرار شركة التوصيل السريع بحيث لو أنك خطبت الساعة 9 تأتيك زوجتك الساعة 11 بدون عناء يا سلام وينهم من زمان!!
** بصراحة طاحت من عيني الشاعرة «المبرقعة» يوم تغزلت في «كلبها» عيب بنت خجولة وتربي كلب وين الرجاجيل عنها؟!
** هل تعلمون القاسم المشترك بين راشد بن جعيثن وخلف بن هذال؟ أنا أعلمكم (حليب الخلفات ما غيره) شكلي بربي بعارين وأن ما حصل عنز وخواتها!!
** لا وعلى طاري العنز يقولون فيه (تيس) اشتراه صاحبه بنصف مليون ريال ويوم أصبح لقاه (ميت) حتى العين صابت «التيوس» !!
** قد شفتوا واحد يقنص ومشخص ببنطلون جينز وقميص لا ومعه في يده «ميرندا» لو ما صدقتوني أسألوا خالد عبدالرحمن أخشى أن يكون في «العدة» «وزالين»!!
** حمودي وعبودي وخلودي وسعودي هم البدلاء في الالفية الجديدة لمن كانوا يسمون محيميد وعبيد وخويلد وسعيدان في الالفية الماضية.. عاشوا جيل (الحفايض) والاندومي!!
** أبو راشد شخصية قوية مع الجميع لكنه قدام زوجته (رخمه)!! كان ينفخ على أحد موظفيه في المكتب وفجأة جاءه تلفون من «المعزبة» ليتحول أبو راشد الشرس إلى مسالم وسمّي طال عمرك أبشري باللي تبين!!
** عاد من شهر عسل في ماليزيا ضايق صدره قلت عسى في الأمر خير قال: أي خير والمدام تفطر هامبرجر وببيسي وتتغدى كنتاكي وببيسي وتتعشى ماكدونالدز وببيسي قلت له: يعني.. قال حتى القرصان والجريش ما تعرفهم الا بالاسم قلت: عاشوا عرايس آخر زمن!!
** تصدقون «الفلل الجديدة بعد خمس سنوات بدون «مطبخ» البركة طبعاً في محلات «المثلوثة» اللي صارت أكثر من الجراد لا وهالبنات اللي ما يميزون بين الفرن والثلاجة»!!
** أبو حسين كان يبيع في الماضي «طواقي زري» واليوم يبيع (كابات) «وتي شيرتات» عاشوا الشباب!!
** سيارته موديل 81 ورابط نفسه ب«مقطية» قال لك أيه سايق مثالي!!
* شغال في «كبينه هاتف» ب1200 ريال في الشهر أي سعودة يا أصحاب الملايين؟!
| 
