والله ما مر بي موقف وبكاني
الا بلحظة وداعه يوم ودعني
هليت دمعي مثل همال الامزاني
والكون فيما رحب ما عاد يا سعني
ولو جا نعيم الشفايف بعض ما جاني
والله ولو ربع ساعة ما يقاطعني
عظيم شوقي عليه ايهز وجداني
بالدل والمبسم المعسول ولعني
بارموش الاعيان يأمرني وينهاني
لو ان طبعي عنيد الشوق طوعني
عز الله انه بدلّه يملك اكياني
يالله مع الصاحب الفتان تجمعني
اللي وصوفه عجز عن حصرها لساني
جميع ما فيه من وصفه يمتعني
ولو قلت به، واصفه لولو ومرجاني
اللول مع صاحبي والدروش يعني
انا على شوفته مغرم وهيماني
اصارع الوقت وايامي تصارعني
يا غايتي والمنى يا سيد خلاني
وحشة غيابك وهجرانك تروعني
عود وخلك بقربي بين جيراني
حتى ليا صحت لك بالصوت تسمعني
تراي كني بعد غيبتك وحداني
قربك هنا الروح وابعادك ملوعني
