سهدي مفاجأة البيان من الأبعاد
أخبار من طياتها داهمنا
العلم يشوي القلب والهم جلاد
والصدر ضايق والدموع أهجدنا
لا باس يا شيخٍ على الطيب وراد
عسى النوايب فيك ما يفجعنا
يا متعب الرجلين في بني الأمجاد
رمت المعالي للهمم ما تأنا
عسى الرجا لهل الوطن فيك ينقاد
وأخبارها عن صحتك يفرحنا
يا فزعة المكروب يا برق الأنجاد
شيال صعبات المهمات عنا
عسى ليالك بيض وأيامك جداد
وعمرك يطول وفي حياتك تهنا
عند المحن نايف لنا حصن وسناد
ليثٍ مهيبٍ صارماته حمنا
صقرٍ ولد صقرٍ للاضداد صياد
عبدالعزيز اللي لنجدٍ تبنا
يوم الوطن عيشة هله سلب وجهاد
أوثب على صهوة جيادٍ تثنا
وسل الصقيل اللي على ارجا الوطن ساد
لينن أبو تركي محا الجهل عنا
وكلن خضع للحق وابليس بقياد
وأجبر شياطين البشر يرضخنا
واليوم سلم وعدل ونصاح وإرشاد
وأمنٍ وأمان ودار جناة غنا
مرسى قواعدها للأنجال وأحفاد
لولاه جايعة الذيابه كلنا
يا الله تضرعت لك عبر التهجاد
ندعي لنايف وأعطنا ما سألنا
سارع لآلامه بالشفا عجل الإمداد
يا من سموعك للدعا يسمعنا
يا سامكن سبعٍ شدادٍ بلا عماد
يا سامعٍ ما يطرق الكون منا
رب الوجود اللي لك الخلق سجاد
لك ما في الأرض وفالسما سبحنا
يا باسطٍ سطح أرضها مرسى الأوتاد
رب الفلق يا من عليك اتكلنا
تعطيه عمر شعيب يارب الأعباد
وعسى النوايب فيه ما يفجعنا
