يا ونتي ونة مريضٍ وملتاع
على وليفٍ راح مني ذهيبه
ماني بشاعر غير للحالة أوضاع
ودموعي اللي أغرقتني رهيبه
أبوك يا توفيق للود زرَّاع
حتى تفاجئنا وجتنا المصيبه
أنا الذي أوصل ولاني بقطَّاع
واللي غدربي عند ربي حسيبه
طعنت في ظهري ومن بين الأضلاع
وإن صحت قال اسكت وهذي رتيبه
إذا صحيت الليل والنور منشاع
أدعوك ربي تفضح اللي سبيبه
لا واعنا قلبي من الهم جراع
وعرفني كل أهل العقول اللبيبه
الهم زاد وكل درب الوفاء ضاع
وأنا لحالي في ظروف عصيبه
يا مكثر الشامت وكثر التنطاع
ما يرحمون اللي تزايد مشيبه
وصلاة ربي عد ما هل شعشاع
على محمد هو نبيه حبيبه
