وخانة المقطان لو قيل محلاه
صيور ماجا بالليالي غدت به
يامل قلب من شديد العرب باه
بوهة غرير بالمظامي رمت به
لا والله الا ما صار للبدو ناناه
وثور عسام الجو مما عفت به
شالوا على اللي بالمبارك مثناه
ما حط فوق ظهورها زوعت به
مظهورهم كن الطماميع تشعاه
يتلى سلف خيال من قربت به
يا قرب مسراحه وما ابعد معشاه
له شدة راعي الغنم يشتمت به
لو صوت الرحال ما تسمع انداه
من لجة المرحول ما يلتفت به
مقطانهم امست خلي ركاياه
تقنب سباعه والذواري بنت به
