خلاص ما باقي معي غيرك احباب
إما تجي وتبدل الصمت بالبوح
ولا تروح وكل شيء له اسباب
جعلك موفق صاحبي وين ماتروح
ظامي واحسك بالشرايين تنساب
ظامي ولو عشت العمر معك مذبوح
تقبل وتنبت بالثرى خضر الاعشاب
تقفي وذكراك العزيزة لها روح
من غبت عني والسهر بين الاهداب
كني غريب من ردى الوقت مجروح
ضيعتني ما بين ضحكة وترحاب
تغلط علي وقول لك روح مسموح
اقولها من قلب مخلص ومنصاب
تعال تكفى بدل الصمت بالبوح
