هلي على الخدين يادمعة الموق
عزي لمن مثلي شكى الدمع موقع
كن الحشا بمسمم الرمح مدقوق
والكبد من عظم المصاب محروقه
مرحوم يا شيخ علت سمعته فوق
الطيب كله ماشي في عروقه
ضاق المصلى صلوا الناس بالسوق
اللي درابه صار حبه يسوقه
انهد ركن طيِّب الساس مرموق
ركن يداوي من شكاله فتوقه
متميز بالدين مع حسن منطوق
مهما مدحنا ما نوفي حقوقه
سابق لفعل الخير ماهوب مسبوق
ابن عساكر طيبات وفوقه
نبل وكرم والجود يشتاق له شوق
نفسه على فعل المراجل شفوقه
فقدت شيخٍ فيه الأخلاق والذوق
وتفقد ناس بالهموم مخنوقه
للخير واهل الخير في ماله احقوق
وسمٍ تلاعج بالمكارم بروقه
الحر حرٍ له مخاليب وسبوق
ارث عيالٍ من مجاذب اعموقه
امر الولي جاري على كل مخلوق
والموت حق وكل نفس تذوقه
