ليش يومنك تعيشني على هجس الندامه
لا تدمرلي حياتي في حياتي يا حياتي
بس تكرم ياكريم يدك منبع للكرامه
اجمع اللي بس تبقى وش تبقى من شتاتي
الاسير اللي ملكته روفبه عقب انهزامه
انت راع الاوله مأنته براع التالياتي
شاعرك لو بك عقل تسمع معانيه وكلامه
كيف أبقطع فيك وأنت أغلى طموحي وأمنياتي
لاتسمع في كلام اللي يحبون النمامه
كان تبغى صاحبك علمه قدام الفواتي
أيه أحبك حيل وأغلى هاجسك وأرفع مقامه
عزتيلي منك ماترحم وعزاه لسواتي
كان قلبك روح لغيري تنحا باهتمامه
لاتباعدها ليا جابولك العلم بوفاتي
يا حياتي ودي اسلم مير مامنك سلامه
طيف ذكرك مانقطع حتى وانا داخل صلاتي
أعشقك عشق الذهب في صدر غيدا مستهامه
تعشقه تبغى تمخطر بالدلع وسط البناتي
وقتي اللي دون شوفك هدني داجي ظلامه
أسهره وأسئله ذاتي كيف حاله دون ذاتي
لو تبعد هاجسي يكسيك بالحب احترامه
الله يصبر فوادي بالسنين القاسياتي
رح وأنا ببقا مابين الذنب وأطراف الندامه
الله يدمر حياتك كيف تنسفلي حياتي
