Al-jazirah

قصائد غير منسوبة قصائد غير منسوبة

هناك بعض القصائد التي اشتهرت وكثر تداولها وطارت في الآفاق بعضها ابيات قصيرة .واخرى قصيدة طويلة. بعضها غير منسوبة واخرى رويت لعدد من الشعراء واختلف الرواة على نسبتها لشاعر معين وقد يحفظها شاعر قديم نظرا لهوايته الشعر ويرددها فتروى على انها له فيقوم آخر بذلك فيحدث الاختلاف في نسبتها وتأكيدها وسوف نورد تباعا بعض هذه القصائد نظرا لشهرتها ورغبة في تأكيدها لشاعر معين اذا وجد مصدر موثقا يؤكد ذلك فمن هذه القصائد القصيدة التالية:

هبت هبوب الشمال وبردها شيني
ماتدفي النار لو حنا شعلناها
مايدفي الا حضن مدعوجة العيني
في صرع زولية والعرق معرباها
وراك ما تنثرين الدمع يا عيني
على هنوف جديد اللبس يزهاها
اضحك مع اللي ضحك والهم طاويني
طوية شنون الطلب وان قطروا ماها

غلاء المهور
من القصائد التي تعالج بعض القضايا الاجتماعية هذه القصيدة القديمة الجديدة للشاعر غياض الرويلي وهي تتحدث عن غلاء المهور وتحث على تيسير سبل الزواج بأقل التكاليف كما كان في الماضي حيث يقول فيها:

اقول واشرح للعقول الفهيمة
كلام حق واجب انا نقوله
نصيحة من المسبه سليمه
والهرج الاقشر ما نحطه عموله
العبد يطلب رحمته من كريمه
ينجيه من عذاب قبره وهوله
العبد لو صار بحياة نعيمه
لابد من قبر يقيس بطوله
ياالعبد ترى دنياك ماهي مديمه
اسلك طريق الحق واترك ميوله
اشوف شي انتشر به ظليمه
طرايقا ماهي طرايق رجوله
بعض الاوادم عايش في حريمه
يبعيها للناس بيع مخلوله
والا مثل جلاب خطو الفطيمه
يحرج بها الدلال والوقف ضوله
اهب ما اردا نفس خطو اللخيمه
بسياق بنته يبي يملا عدوله
جريمة يا كبرها من جريمه
جنب كلام الله وسنة رسوله
ويله من وادي ويل هو وجحيمه
في ماقف الواسطه ما تنوله
وش رايكم يا اهل القلوب الرحيمه
بوضع تفشا ما تسكر خلوله
ان ما نظرتوا للامور بعزيمه
وخوف قلبي يكثرون الصموله
حق السياق وحق هاك الوليمه
يدي رقاب بالصفاه معقوله
يا حيف بعض الناس مافيه شيمه
اسياق بنته ما يجي بالسهوله
وابوه وجده بالعصور القديمه
طلبت واحدهم ما تدلل ذلوله
بعذر المطر لو يتزبر بغيمه
مزنه ثقيل ولا تحقق نزوله
يوم الرجال نفوسها مستقيمه
البرق يلمع والنزول نجعوا له
خطو شعيب بس تسمع وشيمه
العشب واجد والمقاطين حوله