شجون الليل تحرمني رقادي وكثر الشوق لك حرق فؤادي منام الناس عقبك يا حبيبي عن عيوني حداه الفين حادي أسامر ليلة الفرقا وروحي بوادي والجسم عنها بوادي ألا يا طول ليل البعد عقبك وأنا يا طول صبري واجتلادي بعيني ضاقت الدنيا وصارت سوادٍ في سوادٍ في سوادي بعد فرقاك شانت هي وأهلها ورب البيت يا غاية فؤادي ترى يا زينة الدنيا بعيني حياة سرور عقبك في نكادي منى عيني بليل البعد غمضة بها ترتاح من طول السهادي عسى لا غمضت لحظة تشوفك بحلم يطوي بساط البعادي متى تنزاح عن قلبي شجونه متى عيني تهني بالرقادي |
سرور المطيري
| 
