يا بو فهد يا ليتها في يدينا
مصيبتك والله مصيبه علينا
على غلاكم والمحبه ربينا
من جا خبر أحمد وعنه درينا
الموت حق وعمرنا ما نسينا
يا ما كتِبَ عنه ويا ما قرينا
فقيدةٍ ما نوصفه لو حكينا
لو ينفدا برواحنا له فدينا
ولو الدموع ترجعه لك بكينا
لكن قضى ربي وحنا رضينا
ويا بو فهد مثل ما هي فيك فينا
ونشيل عنك الحزن والضيق والهم
يا والدٍ للكل ومعزب وعم
وشلون ما نغتم لا صابكم غم
والحزن عم الناس بالكيف والكم
بس المصيبه فقدة الطيّب الشهم
بالطيب كل الناس عنه تكلم
يكفيه بأنه شاف منك وتعلم
شيٍ يخصك ما نفكر .. أبد تم
والله لو نبكي بدل دمعنا دم
وندعي عساه بجنة الخلد ينعم
حزنك يحز َّ نا وهمك لنا هم
