عسى عوض دنياك رحمه وغفران
ولا انت يا احمد ما تعوض بغيرك
الله يقوينا على الصبر بايمان
واللّه يا احمد من عذابه يجيرك
تبكي من فراقك عيونٍ ووجدان
ويبكيك من في شدته يستجيرك
فاقدك يفقد كل فرحه وسلوان
من طيب فعلك صار كنه اسيرك
ما عاد بعد الحزن يا غايب.. احزان
يوم انطفى نور الحياة بنضيرك
الله يجبر بالعزا قلب سلمان
وعزا الذي كنه بقبرك خشيرك
يا سابق ٍ بالطيب في كل ميدان
من خلقتك حتى نهاية مصيرك
يا احمد بن سلمان يا رمز الاحسان
يا ناصر المحتاج ربي نصيرك
يا احمد بن سلمان يا وبل الامزان
يا كثر وقفاتك ويا كثر خيرك
انسان بالرحمه وباخلاقك انسان
بالعز سرت وللمعالي مسيرك
ما كان عنا غبت.. يا امير ما كان
لو شفت اثر موتتك بعيون غيرك
