شاقني برقٍ سرى واتجه يم الرياض
بارقٍ خطر عليّ يذهب بشوفي سناه
ينتفض قلبي معه كل ما في العين ناض
كن ثغر حبيّبي يبتسم لي من وراه
علّ دارٍ يسكنه صاحبي وبل وفياض
يمطر الوسمي على حيث ما تمشي خطاه
الحبيب اللي معه قرّ قلبي به وراض
به نسيت اللي مضى من غرابيل الحياه
لا فقدته صابني ضيق صدرٍ وانقباض
أصحب العالم وأنا فيه فكري ما نساه
وكل ما يطرى على خاطري بالشعر هاض
من جزيله وانتقى منه ما يوفي غلاه
