الزواج.. هناك كم فيه محروسه
ترفض التفكير حوله من اساسه
كل ما قالوا كبرتي يا عروسه
قالت اول شيء تكميل الدراسه
واكملت تعليمها وانهت دروسه
بالنجاح او بالفشل والانتكاسه
ويوم لدت للزواج ابعد رموسه
ابتدت من تعسها تحيا التعاسه
لا.. وفيه هناك كم بنت محبوسه
من متاع البيت مع كاسه وطاسه
يحترون اللي كثيرات فلوسه
لو يجيهم ما عليهم ويش ساسه
عند اهلها سلعة غير محسوسه
تشترى وتباع يقطعها سياسه
لا.. وفيه هناك كم بنت يؤوسه
من سعادتها ولا شافت وناسه
حجّروها.. وخشم ابوها لو تبوسه
قال ما لك غير ابن عمك.. برأسه
زادت النسبة بحالات العنوسه
من كذا.. ياهل المعرفة والحماسه
