بديت باللي كون الكون كله
الواحد المعبود علام الأسرار
ياللي تغفر الذنب دقه وجله
يا حاكم ما بين خلقه بالأقدار
تغفر لابن عمي ذنوبه وزله
وتجعله في الجنات من ضمن الأخيار
مات الذي مثل النجوم المطله
صافي النوايا صافيٍ مثل الأنهار
والا كما غيمٍ مطرها تهله
والا كما روض زهى لونه أزهار
والا كما اشجار غصونه مظله
والا كما نور البدر وقت الاسحار
مرحوم يا اللي مجلسه ما نمله
لا هوب نمام ولا هوب ثرثار
مرحوم ياللي كل خير يدله
ومعروف عنه ما مشى درب الاشرار
نفسه عزيزة ما تحب المذله
لاهوب مغرور ولاهوب حقّار
ترى المراجل كلها مقصد لّه
كريم لا منه عطى مثل الأمطار
كل على فرقاه دمعه يهله
حتى جماد الخلق تبكي بالأقطار
مرحوم ياللي كلنا من هلٍ له
والموت حق كاتبه رب الأبرار
قلت الذي في ظامري مستقله
لكن بقول الحق منيب بوار
وصلاة ربي عد نجم الاهله
على نبي صادق بكل الأخبار
والحمد للي خالق الخلق كله
الواحد المعبود علام الأسرار
