مرحوم يا رجلٍ فقدناه مرحوم
عساه في الجنة عزيزٍ مقامه
يا الله عساه بجنتك دايم الدوم
وطه شفيع له نهار القيامه
تسعين عام وعندنا كنها يوم
ولا تعادل كلمة من كلامه
من خلقته عايش مقدر ومحشوم
واليا هرج ما يلحقونه ملامه
بيت الكرم من جاه ما هوب مضيوم
العز والنوماس لابس وسامه
قوي باس ورافعٍ رايته دوم
ياخذ مطاليبه ويدرك مرامه
يصبر على الكايد ولا يقبل اللوم
ناشٍ على عز النفس والشهامه
شجاع ومحنك وللحمل زيزوم
واليا جلس للحق يقنع اخصامه
ويصوم ويصلي وبالدين ملزوم
ويحج بيت الله ويلبس حرامه
رحل عن الدنيا وذا شي مقسوم
والموت سنه والحياة انهزامه
رحل وعقب له رجاجيل قروم
ذوي مرزوق متيهين الجهامه
وصلاة ربي عد ما فالسماء نجوم
واعداد من يبعث نهار القيامه
