مرحبا ترحيبةٍ من صدق نيه
عد ما تمطر هماليل المخيله
في قدومك يا وزير الداخليه
طابت نفوسٍ من غيابك عليله
يالامير اللي فرحنا في مجيه
نايف المحبوب كساب الجميله
نايفٍ بالطيب.. نايف بالحميه
نايفٍ بالمعرفه عن كل جيله
ثاقب النظرة وهوماتك قويه
باذل المجهود في يومه وليله
ترقد الاعيان في ظلك هنيه
يا وزير الامن يا من دخيله
قال شعبك والوطن يارب حيه
شعبك اللي قل فالعالم مثيله
يالامير اللي حشا مافيه زيه
رددوها من فرحهم فيك.. شيله
يالله المعبود ياجزل العطيه
نطلبك يالله باسماك الجليله
عن وزير الامن تدفع كل سيه
ويا عساه بخير وسنينه طويله
