يا والله اللي حان وقت التهاني
تهاني المحكوم للحاكم البار
أقولها باسمي وباسم اقحطاني
ريس ومريوس ومشاعر وشعار
من فيض فكري من صراحة لساني
من نبض شرياني ومن دمي الحار
تهدي لنايف نايف اسم ومعاني
اختار من سمّاك نايف ولا احتار
نايف سديد الراي غيث العواني
بحر الندى مسقي العدا كاس الأمرار
شجيع لاهتزت ذراع الجباني
كريم لاشحّوا هل الكور والكار
حكيم ما يأخذ براي الأناني
حليم مايغضب ولو صار ما صار
وان ولع الفتنة فلان الفلاني
يبدي لها ويزود الماء على النار
ياسيدي نايف عريب المجاني
يانصرة المظلوم ياممن الجار
حبك بحر وقلوب شعبك مواني
وإنتاج بحر الحب تقدير واسرار
وان شير للقمة بروس البناني
نشير لك غصب على كل غدار
نفخر بتوجيهك عيانٍ بياني
ولنا الفخر في طاعتك سر وجهار
ويحفظك ربي عن صدوق الزماني
اللي حفظ الاثنين في داخل الغار
ياسيدي نايف عريب المجاني
يانصرة المظلوم ياممن الجار
يوم انظر استقبالكم والتهاني
يطري على عهد المهاجر والأنصار
واختامه باسمي وابسم اقحطاني
ندعو لكم بالعافية سر واجهار
