خلك في عيني مثل ما كنت .. يا عيني
الأول اللي مكانه ما أخذه.. ثاني
يا للي في قربك احس الناس تغليني
ياللي في بعدك احس الناس عدواني
إن ابعدت بك سنينك وأنت هاويني
أذكرني عشوي بس شوي.. وانساني
ما ابيك تبكي على بعدي.. وتبكيني
ابيك تبقى على وعدك وتهواني
ما ابيك مثلي غرامك في شراييني
تكفيني النظرة اللي تطفي اشجاني
صدقني اللي يجيني منك يرضيني
كلي قناعة مع إني دايم اعاني
ما ادور إلا شوية حب.. يحييني
وأظن من حقي اطلب سيد خلاني
كثير قبلك هويت وما أثروا فيني
بس أنت غير الكثير وحبك احياني
أنت اللي انسى في قربك قسوة سنيني
احزاني في شوفتك ما تصبح احزاني
لارحت جاني شقا وقتي يعزيني
في موت الافراح ويقول الزمن فاني
مع إن عينك قليل الحب.. تعطيني
قليلها عن كثير الناس.. كفاني
اكبر من الحب ها اللي بينك وبيني
وإلا على ويش دمعي حرق أوجاني
ماعاد طول السهر شيء يعنيني
الليل خاف الظلام ونام في أجافني
والصبح حلمٍ به ايامي تمنيني
اسمع بذكره ولا جيته ولاجاني
لا تلومني يوم انادي لا تخليني
غصبٍ على كلمةٍ من بوح وجداني
اخاف لارحت ما القى شي يغريني
ثم اترك الدار واقصد ديرتك عاني
يا شمس عمري عناوينك عناويني
يعني كذا باختصار اوطانك اوطاني
ما ابيك بالدمع بالاهات تشريني
يازين الا ثمان هاذي ماهي أثماني
كل اللي ابغاه من دنياك يا عيني
اذكرني شوي بس شوي وإنساني
