لو نتعب الأقلام في كتب الأشعار
ترى وطنا صعب نوفي حقوقه
سلام يا دار الوفا دار الاخيار
اللي بفعل الخير دايم سبوقه
حكامنا آل سعود وافين الاشبار
عن دارهم من كل طامع تعوقه
في ظلهم عشنا عزيزين واحرار
امن وامان وكل خير نذوقه
يا الله يا المعبود علام الاسرار
يا خالق ماهوب ينسى امخلوقه
أسألك ترحم واحد وحد الدار
عبد العزيز اللي اعزازٍ اطروقه
عبد العزيز اللي لاجل عزها ثار
بالسيف وحدها وطابت وفوقه
وعقب الظلام الدار شعت بالانوار
تطورت والعز لاحت بروقه
واليوم في حكم الفهد نسل الاحرار
طيب اللي طيبات اعموقه
راعي الوفا رجل السياسة والافكار
اللي كبود اعداه منه امحروقه
شعبه يحبونه كبيرين وصغار
الكل حبه ساري في اعروقه
ايضا لابو متعب معزه ومقدار
عبد الله اللي دوم نفسه صدوقه
حرٍ وله بالطيب مارد ومصدار
بالطيب والاقدام محدٍ يفوقه
والنايب الثاني له الطيب معيار
من لد في سلطان فعله يشوقه
هو راعي المدات هو عوق الاشرار
سلطان من عاداه يبشر ابعوقه
وياما وقف مع كل ضايق ومحتار
على دروب الخير قلبه يسوقه
ودون الوطن بنقوم ونبيع الاعمار
لو قيل هذا الموت ندخل ابسوقه
يالله يالمعبود ياوال الاقدار
يا واحد الخير بامرك تسوقه
ان الوطن تحميه من شر الاخطار
وانك تذل اعداه واللي يبوقه
