حل الفراق اللي من العام تطريه
وصرنا على ما قيل كل بوادي
قسوة زمن تكتب على الحب تنويه
لابد لك في يوم وأعلن بعادي
وأرحل وأخلي منزل قد سكنتيه
ايام كنتي رغبتي واجتهادي
وقت مضى ماأظنك انتي نسيتيه
وانا بعد كذاب لو قلت عادي
لكن حكم الوقت لازم يمشيه
ومالي سوى أرضى به وأقاوم عنادي
يابنت هذا الوقت لا أعلن تحدّيه
يسطي على خصمه لو انه يفادي
ومن خاصم الدنيا مصيره تربّيه
وآخر مرده للشقا والنفادي
ولاصار ما للقلب خلٍّ يواسيه
ياقف معه ضد السهوم الحدادي
ما فيه داعي تستمر المشاريه
وفي كل يوم يزيد منك التمادي
هذا كلامي واصدق العلم دوكيه
وهذي خلاصة نظرتي واعتقادي
وإن كان ما جاز إلك يابنت خلِّيه
وقولي عنه هرج قديم ودوادي
