يا صيف ما ودك تفارق على خير
جعل الليالي في مداها تناساك
كأنك من اللي يفهمون المعاذير
فالعذر منك شين طبعك ولأماك
يا صيف جفت عن «صميلي» مصادير
والدرب طول اه يا طول ليلأك
يا صيف فرقا بعض ناسي مخاسير
اللي لهم في ذمتي مرتع.. هناك
ذكرتني يالصيف في قصة الزير
وأنا معك جساس والثار ناداك
صار النهار الليل ليلي مساهير
وتحول المغرب صباحٍ بمسراك
الشمس تشرق في عيوني على طير
وتغاب وعيوني على حلم فرقاك
كن السفر غير دروب المسايير
والعذر صيف وغاب هذا أو هذاك
يا صيف بشرني عسى نيتك خير
أبي أخوك اللي يسمونه شتاك!!
