سميت بالرحمن وادنيت فاطري
مامونة من قاطعات الخرايم
طويلة ملز الفخذ نابية القرا
تصبر الى هبت علينا سمايم
وردتها برقع وانا جاهل به
ماهي دلاله مير اوهم وهايم
يا كلمة سمعتها قالها الردي
يقولها اللي ما يداري الظلايم
يقولها اللي منزله يتقي بنا
لاجت نجوم الليل عجل الهزايم
النوم ساس اللوم لو يدري الفتى
ريف العذارا والرجال الهلايم
واللي يدور الهون والكن والذرا
يموت ما حاشت يديه الغنايم
