روحت بي مهرة المجد للراس المجيد
ما فطنت إلا وأنا عند بتّاع الصواب
مقدم الفرسان سلمان في حقه عنيد
وان عطى من خاطره مثل هتّان السحاب
الكريم الشهم سلمان ذو الراي السديد
في غيابه تبلش الناس والفرحة تغاب
إن بغينا خضة الجمع من نسل الوليد
وإن تعطشنا الشهامة لقيناها شباب
للقلم والحرف مبطي وهو فينا العميد
منتقيه الفكر والعرف باتقان وصواب
كلنا دارين.. سلمان مرماعه بعيد
ما تدنت نظرة الحر وأخفاها السراب
دوروا مثله بهالوقت في نزل وشديد
وإن لقيتوا مثل سلمان ردوا لي جواب
والله إنه نادر الوصف ما مثله أكيد
له طباع تختلف حيل كساب الثواب
