حبيت اعبر عن شعوري وأنوه
بأبيات شعر منتقيها نقاوه
اليا طرالي قاف خشيت جوه
وأخذت من طرقه لروحي غناوه
عندي مع شعري رفيق مفوه
فارض عليه الشعر دفع الاتاوه
ابيه يسعفني ولو هي عنوه
على القوافي بين أوه وآوه
من عملة اللي حطني له عدوه
ذقت المرارة قبل اذوق الحلاوه
واللي ذبحني واحرق القلب ضوه
توه صغير ولاهيٍ بالشقاوه
ماعذبه قطع الفيافي ودوه
عايش ترف لا ما يعرف البداوه
اشهد شهادة حق فيه الجروه
يلعب بقلبي ثم اخذها ضراوه
صار التمني بين ليته ولوه
اشوف من خلي يزيد الحفاوه
مير افزعوا ياهل الشيم والمروه
ماعاد ينفع عقب فعله رخاوه
الله حسيبه ما عطا غير سوه
أزرع محبه والحصيل العداوه
