هلا بالخيل وأهل الخيل بشهر الفضل والرحمة
مزاد الخيل بأرض الخير تجلى بأشهر الفرسان
جمع عز وجمع طيب وسداد الراي والحكمة
تغني يالعبية واصهلي قولي لهم وش كان
كرام الناس وزفة خيل وصوت العز والحشمة
جمعهم حبهم للخيل ونوماس الفخر عنوان
تداعوا في محافل خير وقلط من كان له همه
وقنب بالصوت راعي الخيل ورد الصوت له سرحان
تباروا في مقانيص الفخر والطيب والقمة
تباروا يوم ولد اللاش يلملم درهمه نشوان
تباروا يا هلا بالطيب اليا عانق هل العمة
وذكرت الخيل وأهل العز اليا صفوا هل الايمان
اليا صفوا يبيعون العمار وبيعة الذمة
يبيعون العمر لعيون دار الطيب والاحسان
مزاد الخير منهم ورثه ابن الطيب من دمه
ومن صلب الفخر أصله وداره أشرف الأوطان
هلا بالخيل وأهل الخيل بشهر الخير والرحمة
ومزاد ظلله شهر فضيل وكلله بالخير والغفران
