يوم شرف فارسٍ كلنا إنطيعه
ابو متعب قمة المجد عنوانه
المعالي من بداية مطاليعه
رامها شيخٍ على العز بنيانه
الكريم اللي يقدم منافيعه
للوطن واهل الوطن عز لوطانه
الفروسيه لها دوم تشجيعه
فارسٍ يشهد على الفعل ميدانه
الخصيم يزيد خوفه وترويعه
والصديق يزيد للخير من شأنه
في حضوره بارض غالي مشاريعه
كل نفس في هاك اليوم كسبانه
في سباقٍ للوفا والفخر ريعه
والخيول بكاس شقران طربانه
يوم رب البيت حانت تسانيعه
وصفوت الانتاج للفوز شفقانه
والنشاما بين صيحه وتفريعه
كل واحد يطلب الفوز لحصانه
واسهم اليرموك وارخوا مصاريعه
جاء يبوج الريح واطلق له عنانه
اذكر اللهو الهبايب قراطيعه
مثل طير يوم يكفخ بجنحانه
وابتسم من زاد بالعز تدليعه
تمت الفرحه لسلطان وخوانه
ابو نايف للمعزة مطاميعه
وفقه رب المقادير سبحانه
