سلام الله سلام للرجال اللي لهم مقدار
رجالٍ طيبهم سولف به الأول على التالي
شيوخٍ من شيوخٍ بالقدايم يحكمون الشار
على ساسٍ عزاز وينزلون المنزل العالي
سلفهم راح لكن السلف خلف وراه أحرار
مواقفهم لياجات اللوازم تشرح البالي
وآنا أبا أخص لي شيخٍ حقيقة ما عليه خيار
ابو مطلق سعد له في سنام المجد منزالي
آنا ف أبو ثنين أقول علم ما عليه غبار
حقيقة والحقيقة ذوقها كالسكر الحالي
وأبارك له ثقة فهد العروبة وافي الاشبار
بترقيته لواء والترقية ميزانها غالي
عسى أيامك سعادة يا سعد وتكمل المشوار
بطول العمر والتوفيق لك يا طيب الفالي
