الربيع اللي له يزيد إشتياقي
ربّعوبه في حرم مكه وطيبة
لارمانا بالعمايم والطواقي
لبسنا حرمٍ نطوف نستعي به
في رياض جنان ماطرها حقاقي
إمية ألف أفضل صلاةٍ مستجيبه
مثل ما حنّا على الدنيا طراقي
رحلةٍ نسعد بها لوهي تعيبة
خوة أهل الدين حسنين الخلاقي
باقيه لاحارب صحيبٍ صحيبه
لاتبروا من بعض ربع النفاقي
غافلين عن الحساب وعن حسيبه
سالفتهم كلّها إلعان وطلاقي
بينهم وش هالتراحيب العجيبة
حبّنا للمتقين الصبح باقي
وحب غير الله على شك وريبه
نرجي الجنه ونرجيه العتاقي
في جهنم وادي تشكي الهيبه
خلّ عنك أهل المباطح والسباقي
يسبق اللي ربّع بمكه وطيبة
استعدوا للرحيل وللفراقي
الفراق اللي ما يرجع من مغيبة
لا رحلت ولف ساقٍ فوق ساقي
يندم ضعيف العمل ما اردى نصيبة
