طالع تشوف العطف والحلم واللين
طالع لابومتعب وطالع محياه
شوف التواضع شوف شوفوه بالعين
جعل السلامه في طريقه وممشاه
يمشي على الرجلين بين المساكين
يرعى الأمانة جعل مولاه يرعاه
يمشي بحاراتٍ قديمات من طين
ولي شاف له محتاج وقف وواساه
شوف اليتامى جنبه يسار ويمين
شوف الأرامل والمساكين تبراه
واسمع وش اللي قال لأهل الملايين
اسمع تبصر في كلامه ومعناه
آمين ثم آمين وآمين آمين
نطلبك يا من نسجد الخمس لرضاه
تمد عمره دوم وسنين وسنين
اللي وصلهم تالي الليل بخطاه
يتفقد أحوال الكبار المسنين
يحمل وصاه من الفهد يوم وصاه
ويالله يالمطلوب تحفظ للاثنين
تحفظ فهد واللي مشى درب ممشاه
وتحفظ لنا آل سعود حماية الدين
أسرة وفاء والخير والدين ترعاه
