اوي فنجال على الكبد ما اطيبك
اهل صبوبك عارفين قدارك
لونك يشادي الورس مع زين رايبك
مع لذتك يازين نطعة حمارك
لاقام خطات الوليده يحاضبك
ما يسهي مادامه على جال نارك
ماواحد مع حمسة البن عذربك
حافك غلام بالعجل يوم دارك
انا اشهد ان شربه على العز يطربك
وجمع الجماعة هي طريفة بهارك
لاصار صافين الحديدة قرايبك
باطرافهم ما يلحق الظيم جارك
اللي بسببهم زايد النفس هايبك
تقصر خطاه وزود ركضه تبارك
ربع على القالات ابشر بغايبك
اللي على يمناك واللي يسارك
تاخذ بهم حقك على غير صايبك
وكلً يراعي خاطرك يوم زارك
يا شيخ ترى عيب ربعك يعيبك
يغدي حقوقك وانت عمرك تدارك
ان طالبوا رجالك ترى طال شاربك
وان خابوا الادنين هم هدم دارك
وعزي لحالك كان خربن جنايبك
كان النقيلي طبهم هو دمارك
عذبتني يا قلب ربك يعذبك
عذبتني واسقيتني من مرارك
دلي تعاقب بك ودلي تجاذبك
مثل القليب اللي حباله تشارك
على خطات المنشطه يوم تنهبك
الحوض مخلي والظوامي تعارك
حذراك لاتمشي بدرب مجنبك
لاصار مايطلع على باب دارك
