يا عيد خذها فرحتي لام سلطان*
سلّم على اللي حَدّها البعد عنّا
في ديرةٍ يا لله عسى ما لها شان
ما ظنتي منهو سكنها.. تهنّا
يا عيد «واشنطن» لها اليوم عنوان
يا لله عجّل.. قربْها من وطنّا
إن كان في بُعد المحبين.. حرمان
في بُعد «نوره» كل حرمان منّا
يا عيد وصّلها.. تغاريد وجدان
مع أول اشراقة صباح المعنّى
يا عيد.. بلّغ من تهانيك ما زان
للي زمنهم.. يختلف عن زمنّا
خذ من بشاير جيّتك زود تحنان
بقلوبهم وجدٍ.. ووجدٍ سكنّا
يا عيد لي بك.. فرحةٍ نورها بان
لي عانقت «نوره» بشايرْك منّا!
