مسيت بالعيد.. واللهفة.. وشوق الوصول
يا حلمي اللي دروب العيد.. مادلها
بيني وبينك مساحات الأمل والذهول
وسحابة تعقد الأوضاع وتحلها
سحابة كل ما تشرق من الغرب أقول
ان ما حصل وبلها يارب ابي ظلها
صبّرت نفسي على طعم العطش لويطول
ومنيتها في صدوق المزن.. لا بلّها
وحبست نبضات قلبي بانتظار الهطول
ورهنت الأحلام لأجله كلها.. كلها
وراح أجمل العمر والباقي ذبول و.. ذبول
تمله أقسى السنين الغبر ويملها
وان مر طيف الفرح مره عجول وخجول
من نافذة ذكريات الروح.. يوصل لها
رجعت والحلم طير وسط صدري يجول
تنفض سبوقه عروق القلب لا تلها
لا الجو.. جوه.. ولا ف البيد طاب النزول
والبارحة.. يطوي الجنحان.. ويفلها
مساك طول السفر.. مساك صعب الحلول
يا حلمي اللي دروبه.. تو.. ما دلها
