عليك الخلف يا رب في كسرة الجنحان
وعزي لطير صار من دون جنحاني
وعلينا الرضا يارب عفوك مع الاحسان
دخيلك تثبتنا على خير برهاني
عسى للرياض الغيث من راكد هتان
ويسقي قبور هامده دون بنباني
سقى قبر ابوي الغيث من رايح الودان
توسع لحود القبر وتصير ريضاني
عسى له من الرحمن رحمه مع الغفران
عسى يرحمه من يشمل الناس باحساني
وانا لا سمعت الموت يذكر قضى له شان
تسابق دموع العين من فوق الاوجاني
باعزي غديف الطيب واخوانه الظفران
واعزي عيال العود وشيوخ قحطاني
واعزي رجال فعلها يذكر ببرهان
واعزي عيال صقير مع كل عجلاني
وانا هاقي يومي عقب ذا المصيبه حان
وفضوا مجال الطب ونادوا لي اخواني
