هلا باللي تجدد له غلا بعروقي ودمي
هلا باللي لفت تشفي جروحٍ داخلي جما
هلا بك همسةٍ لمت بكل أحزاني.. وهمي
هلابك يا أعذب إنسانه هلابك يازلال الما
هلا بك يا صدى همسٍ يذكرني بحنان أمي
هلابك نجمةٍ طاحت علي بليلةٍ ظلما
هلا باللي لها هلا خفوقي وابتسم..فمي
عقب ذاك العنا والياس أحس إن الفرح عما
فأنا يوم إن دفا صوتك لفاني وأبحر بجمي
نسيت الكون وأحزانه نسيت الجرح والغمّا
نسيت إن الغدر طعنه نسيت إن الغبن كمي
نسيت إن البشر تنظر علامي حيل مهتما
فلا واللي نثر دمعٍ على الخدين مالتمي
والا واللي نقش حب على صدر الغلا كما
والا واللي جعل عبقك مع الإزهار ماشمي
والا واللي جعلك أروع جعلك أحلى ومن ثما
جعلك إنسانةٍ تشبه بفعله فارسٍ نشمي
جعل فيك العذيه اللي جزيل علومها شما
والا واللي بسط أرض ورفع سبع وسجر يمي
مدامك نجلةٍ للي علومه تجلى الهما
أميرٍ جعله الرحمة لفعل الخير مهتمي
كريمٍ والصخا طبعه ومدحي إلحضرته ذما
أكيد إنك ياذا الشبله وفيّه والوفا منمي
عروقٍ داخلك تشبه جذورٍ للشجر صما
أخيراً يابعد عمري نبض شرياني ودمي
يقول أهلاً هلا باللي غلاه بداخلي جما
هلا ياللي صدى همسك يذكرني بحنان أمي
هلابك نجمةٍ طاحت أنارت ليلةٍ ظلما
